redegalegadesementes

III ENCONTRO DA REDE GALEGA DE SEMENTES

redegalegadesementes — Fri, 30 Sep 2011 15:07:44 +0000

SÁBADO 8 DE OUTUBRO, A PARTIRES DAS 10.30H DA MAÑÁN

NA ALAMEDA DE REDONDELA

PROGRAMA

ACLARACIÓNS E ACTUALIZACIÓNS sobre o II Encontro da Rede en Herbón

redegalegadesementes — Tue, 05 Jul 2011 12:13:46 +0000

En primeiro lugar queremos aclarar que o lugar de reunión é o convento de San Antonio ( e non o mosteiro de San Francisco). Atoparedes as instruccións sobre como chegar ata o convento pinchando aquí.

O programa para o Sábado é o seguinte:

II TROCO DE SEMENTES

POLA MAÑÁN:

-11:00 horas Charla-presentación da Rede de Sementes de Galicia.(Que somos e que facemos, explicación do funcionamento das mesas de troco)

-11:30 horas Visita polas hortas ecolóxicas do Convento de Herbón.( hortas, frutais, invernadoiro, animais…)

-12:00 horas Troco de sementes.(Ofrécese a semente que temos e agardamos que cada un traia a súa da casa. Aproveitamos para lembrar que podedes descargar a folla descriptiva das vosas sementes desde esta ligazón e dese xeito todo será máis fácil e doado o sábado. De todos os xeitos, en Herbón teremos follas abondo para quen non poida)

-14:00 horas Xantar popular.

a partires das 12:00 faranse paralelamente obradoiros para nenos

POLA TARDE:

-16:00 Charla informal para a creación dun grupo local de troco de sementes na provincia da Coruña.

-de 17:00 a 18:00 reapertura das mesas de troco de sementes.

-de 17:30 a 18:30 Obradoiro de estracción de sementes

-18:30 Charla(tema ainda por concretar, barállase os tranxenicos ou a problemática do lume forestal en Galicia)

-19:30 peche de actividades

a partires das 17:30 faranse paralelamente xogos tradicionais para nenos

Nota: Como podedes ver, en contra da nosa vontade, non imos poder ofrecer a cata de tomates. Queda para outra vez!

II ENCONTRO DE SEMENTES DA REDE

redegalegadesementes — Fri, 01 Jul 2011 17:37:20 +0000

Para o sábado 9 de xullo hai organizado o II Encontro da Rede.

Coma a vez anterior, a idea principal é favorecer o intercambio de sementes tradicionais e variedades locais. Así que cada quen debe levar as sementes que lle sobren para poder repartilas cos outros participantes desta xuntanza.

Como a cousa de apañar sementes tamén ten as súas peculiaridades, un dos compañeiros ofreceuse a dar un obradoiro sobre como e cando recoller as sementes das nosas mellores plantas.

O outro grande motivo do Encontro é apoiar a creación dun grupo local de traballo da Rede Galega de Sementes.A maioría dos integrantes da Rede viven na zona sur de Galiza e por iso, ata o dagora, as máis das veces nos xuntamos polo sur. Como somos conscientes de que hai xente a quen lle interesa participar desta iniciativa, pero non se poden permitir vir onda nós, cremos que, para que se espalle a Rede é preciso que outros grupos de traballo se vaian formando noutras partes de Galiza. Xente disposta hai abondo. así que hai que comezar a organizarse. Cremos que esta reunión de Herbón é un bo momento.

Para arredor das 14.00 horas está previsto o Xantar Popular. A idea é que todos preparemos algo que comer para ese día.

Despois da reunión do vindeiro domingo día 3 xa poderemos dar información máis concreta sobre o resto de actividades e o horario.

O lugar de reunión é o convento de San Antonio de Herbón. En breve damos máis polo miúdo indicación de como chegar.

Domingo 3 de xullo, xuntanza en Redondela

redegalegadesementes — Fri, 01 Jul 2011 17:14:49 +0000

Este domingo, 3 de xullo, reunímonos na Casa da Cultura de Redondela a partires das 18.00 horas para organizar o encontro da vindeira semana en Herbón.

Nova xuntanza- o domingo 29 de maio

redegalegadesementes — Thu, 26 May 2011 18:21:21 +0000

Recordamos que o próximo domingo 29 de maio temos programada unha xuntanza de traballo do grupo Pontevedra Sur (por chamalo dalgunha maneira), da rede galega de intercambio de sementes, iso si, aberta a toda rede.

Será na casa da cultura de Redondela, a partir das 11:30

Sábado 30 de abril REUNIÓN DE TRABALLO

redegalegadesementes — Tue, 26 Apr 2011 18:39:18 +0000

Este sábado, 30 de abril ás 18.30h, na Casa de Cultura de Redondela, haberá unha reunión de traballo da Rede Galega de Sementes. Entre outras cousas, valorarase o funcionamento das mesas de intercambio da Feria de Leboso celebrada o pasado 9 de abril. Tamén falaremos dos próximos encontros de intercambio da Rede Galega de Sementes.

Fichas informativas sobre os distintos tipos de sementes

redegalegadesementes — Tue, 12 Apr 2011 08:14:48 +0000

O pasado domingo, dentro do encontro de Leboso organizamos un intercambio de sementes. Algúns dos nos@s compañeir@s crearon estas fichas que estivemos a repartir.

Primeira Feira de Sementes Ecolóxicas en Leboso

redegalegadesementes — Sat, 12 Mar 2011 11:14:02 +0000

O día 10 de abril celebrarase en Leboso Forcarei a Primeira Feira de Sementes Ecolóxicas.
A Rede Galega de Sementes participa cunha mesa de intercambio de sementes.

6º Jornadas de Reflexión de la Red de Semillas “Resembrando e Intercambiando”

redegalegadesementes — Thu, 03 Mar 2011 18:49:55 +0000

Velaí a convocatoria das 6º Jornadas de Reflexión de la Red de Semillas “Resembrando e Intercambiando” que terán lugar na Sede de Ecologistas en Acción (Marqués de Leganés, núm. 12) en Madrid do 25 ao 27 de marzo de 2011.

O Sindicato Labrego Galego convoca unha manifestación contra a Lei da Auga

redegalegadesementes — Thu, 03 Mar 2011 18:40:44 +0000

Hai convocada unha manifestación en Compostela para o 20 de Marzo, coincidindo co día Mundial da Auga.

Este é o texto da lei e estes algúns dos argumentos que o Sindicato Labrego Galego expón: texto 1, texto 2 e texto 3